أسرة المنتدى ترحب بالسادة الزائرين وتتمنى لكم قضاء وقت ممتع داخل صفحات وجدران المنتدى وتدعوكم للتسجيل معنا.


with us you are the boss
 
الرئيسيةالبوابةاليوميةس .و .جالتسجيلدخول
إعلان هام>>>> تم إفتتاح قسم الأشغال اليدوية..داخل الأقسام الترفيهية.......إعلان هام>>>>يعلن المنتدى عن إحتياجه لمشرفين وإداريين من يجد فى نفسه حب المسؤلية عن القسم المفضل له فعليه بالتقدم بطلب داخل قسم الطلبات......
محرك بحث خطير
المواضيع الأخيرة
» اشهر واصدق وافضل مواقع الربح من الانترنت
الأربعاء يوليو 31, 2013 3:15 pm من طرف the_mean_of_love

» اجدد البرامج الحمايه وكل البرامج المطلوبه
الخميس مارس 31, 2011 10:19 am من طرف عبدالفتاح

» مجموعة أحاديث رائعة أدخل و لن تندم
الأربعاء سبتمبر 29, 2010 8:30 pm من طرف the_mean_of_love

» ####### اروع كلمة ######
الإثنين يونيو 14, 2010 4:38 am من طرف the_mean_of_love

» خلفيات رائعة لأحلى أعضاء
الجمعة مايو 21, 2010 4:12 pm من طرف روان حبى انا

» من قلب مصر الحبيبة.....!!!!
الجمعة مايو 21, 2010 3:30 pm من طرف روان حبى انا

» أجمل صور لأجمل أطفال بالعالم لا يفوتك!!!!!!!!!!
الجمعة مايو 21, 2010 3:17 pm من طرف روان حبى انا

» أنظروا هذا الملاك البرئ....
الجمعة مايو 21, 2010 3:10 pm من طرف روان حبى انا

» *****لاافرط في صلاتي من اليوم *****
الخميس مايو 20, 2010 8:08 pm من طرف شوقيه الشرقيه

منتدى

شاطر | 
 

 اعملي حلاوة المولد.. بإيدك ...

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Sun Of Life
عضو ذهبي
avatar

الميزان عدد المساهمات : 83
العمر : 26

مُساهمةموضوع: اعملي حلاوة المولد.. بإيدك ...   السبت مارس 20, 2010 1:35 pm


الفولية


المقادير:
3 أكواب فول سوداني.
كوب ونصف سكر.
1/3 كوب ماء.
1/4 ملعقة كبيرة ماء ورد.
ملعقة كبيرة عصير ليمون.

الطريقة:
1- سخني الفول في طاسة لغاية ما يتحمص.

2- أحضري حلة وحطي فيها السكر والماء وحطيها على النار، وبعد كده ضيفي عليها ماء الورد وعصير الليمون، وسيبيهم لغاية ما الخليط يبقى سميك شوية ولونه يغمق شوية يبقى قريب من لون الكراميل أو أغمق، وبعد كده نقلبه تقليبة بسيطة ونشيله من على النار.

3- بعد ما تشيليه من على النار أحضري الفول السوداني واخلطيه مع الشربات وقلبيهم كويس مع بعض.

4- تكوني مجهزة قوالب استانلس مدورة أو مستطيلة وبتصبي الفول والشربات فيهم.

5- اضغطي على القوالب بإيدك كذا مرة، بس خلي بالك إنك تكوني لابسة جوانتي حراري؛ لأن الفولية بتكون لسة سخنة، وسيبي القوالب لحد ما الفولية تبرد، وبعد كده قدميها، وبالهنا والشفا.

وبنفس الطريقة دي تقدري تعملي الحمصية والفستقية والسمسمية، بس كل اللي عليكِ إنك تبدلي الفول السوداني بالحمص أو بالفستق أو بالسمسم.

الملبن بالمكسرات
المقادير2 كوب نشا.
2 كوب ماء.
2 كوب سكر.
مستكة.
معلقة صغيرة ماء ورد.
نصف كيلو عين جمل أو فستق أو أي مكسرات تحبيها.
نصف ملعقه فانليا.

الطريقة
1- احضري حلة وحطي فيها كوبايتين سكر والمية وارفعيها على النار.

2- ذوبي النشا في شوية مية، وسيبيها لغاية ما السكر والميه يوصلوا لدرجة الغليان، وبعد كده حطي عليهم النشا الدايبة في المية مع التقليب المستمر والسريع لمدة ربع ساعة.

3- بعد كده حطي كوبايتين السكر الباقيين عليهم، وافضلي قلبي جامد لغاية ما تلاقي شكلهم بقى عامل زي الكراميل بس فاتح شوية، وبعدين ضيفي عليهم المستكة والفانيليا وماء الورد.

4- أحضري حبل والضمي فيه المكسرات اللي عندك، واغمسيه في الخليط وطلعيه كذا مرة لحد ما الملبن يغطي المكسرات.

5- أحضري صينية مدهونة زيت وحطي فيها حبل الملبن وغطي الصينية، وسيبيها في الثلاجة لمدة يوم لحد ما الملبن يبقى متماسك مع بعضه.. و
بالهنا والشفا.








بسيمة وشكلمة الـمولد..




المقادير1/2 كيلو جوز هند مبشور
1/2 كيلو سكر
1/2 كيلو لبن
ملعقة صغيرة بيكنج بودر
كوب دقيق
1/4 كيلو سمن أو زبدة


الطريقة
1- حطي السمن أو الزبدة على النار لغاية ما تسيح وبعد كده شيليها من على النار.

2- ضيفي على الزبدة السايحة اللبن والسكر وقلبيهم مع بعض كويس، وبعد كده حطيهم على النار تاني لغاية ما السكر يذوب.

3- بعد ما السكر يذوب، شيليهم من على النار وسيبيهم لغاية ما يبردوا.

4- اخلطي الدقيق مع البيكينج باودر جيداً، وبعد ما خليط اللبن يبرد ضيفي عليه خليط الدقيق والبيكينج باودر، وكمان ضيفي جوز الهند وقلبيهم كويس مع بعض لغاية ما الخليط يتماسك مع بعضه.

5- هاتي صينية وادهنيها بالسمن، وبعدين صبي الخليط فيها وافرديه كويس في كل الصينية.

6- قطّعي الخليط بالسكين إلى مثلثات، وحطيها في الفرن لغاية ما الوجه يحمر وتحسي إنها استوت، وبعد كده تقدم وبالهنا والشفا.


ودلوقتي بقى هنعمل شكلمة جوز الهند


المقادير
كوب سكر ناعم
بياض 4 بيضات
4 كوب جوز هند مبشور


الطريقة
1- اضربي بياض البيض مع السكر كويس بالمضرب لغاية ما قوامه يبقى عامل زي الكريمة.

2- ضيفي جوز الهند على البيض والسكر واخلطيهم مع بعض كويس لغاية ما الخليط يبقى متماسك.

3- شكلي عجينة جوز الهند بأشكال مختلفة وضعيها في صينية مدهونة بالزبدة.

4- دخلي الصينية الفرن على درجة حرارة منخفضة، وسيبيها لغاية ما تحسي إن الشكلمة استوت، وبعد كده طلعيها وسيبيها لغاية ما تبرد وقدميها.. وبالهنا والشفا.
الرجوع الى أعلى الصفحة اذهب الى الأسفل
Sun Of Life
عضو ذهبي
avatar

الميزان عدد المساهمات : 83
العمر : 26

مُساهمةموضوع: رد: اعملي حلاوة المولد.. بإيدك ...   السبت مارس 20, 2010 1:37 pm

الفولية ملحوظة:وبنفس الطريقة والمقادير نعرف نعمل
الفستقية والحمصية والسمسمية الخ...



-المقادير:


- 2 كوباية فول


- 1.5 كوباية سكر


-ثلاث أرباع عسل جلوكوز


-نص معلقة كبيرة ليمون


-نص م كبيرة ماء ورد(للي عاوز يضيفة يعني مش ضروري)


-نص معلقة صغنونة فانيليا




-طريقة التحضير:الصور من برنامج الشيف أسامة السيد










-نحط الفول في حله لحد مايسخن نحمصه يعني(يبقي دافي مش نسخنه اوي)


نحط فى حله تانية على النار السكر وعسل الجلوكوزلحد مايدوب مع التقليب لحد مايبقي لونها عسلي زي الكراميل كده في لونها وقوامها


نستمر فى التقليب لحد مايبقي لونه أغمق شويه (بس مش يبقى لونه بنى كرااااميل كده) بعدكده نحط عليهم ماية الورد
والليمون والفانيليا ونقلب تقليبه بسيطةوبعدين نشيله من على النار ونحط عليها الفول وهو دافي ونقلبة فيه


نكون مجهزين قوالب مدورة ستانلس
ونضغط عليها بورق السليكون او بجوانتى حرارى ( لان المقادير سخنة ) نضغط عليها كذا مره


ونسيبها لحد ماتبرد وناكلها

طريقة الملبن اللي فيه حبل وعين جمل
المقادير
2كوباية نشا
2كوباية ماء
و2كوباية سكر
2كوباية ماء
و2كوباية سكر
حبيتين مستكة
معلقة صغنونه ماء زهر
نصف كيلو عين جمل او اى مكسرات ممكن فستق
نصف ملعقه فانليا


الطريقه
نحط 2كوباية سكر مع 2كوباية ماية على النار
بعدين نقلب النشا مع مايه في كوبايه لوحدهم
وبعد مايغلى السكر والمايه اللى على النار نحط عليهم النشا اللي مدوبينه في المايه مع التقليب المستمر والسريع بمضرب سلك لمده ربع ساعه
بعدين نحط 2كوبايةسكر تانى فوقهم ونضرب بمضرب السلكلحد مايبقي عندنا كراميل فاتح شويه كده
بعدين نحط المستكه والفانيليا وماء الزهر
بعدين نجيب حبل ونلضم فيه اللوز اوالفستق او عين الجمل ونغمسه فيه
ونطلعه ونكرر نغمسه فى الخليط ونطلعه لحد ماخليط الملبن يغطي المكسرات الموحوده فى الحبل ونجيب صينية مدهونه زيت ونحط فيها الحبل اللي حطينا فيه الخليط يوم او نص يوم لحد مايبقي عندنا متماسك مع بعضة ملبن كده
الرجوع الى أعلى الصفحة اذهب الى الأسفل
Sun Of Life
عضو ذهبي
avatar

الميزان عدد المساهمات : 83
العمر : 26

مُساهمةموضوع: رد: اعملي حلاوة المولد.. بإيدك ...   السبت مارس 20, 2010 1:37 pm

عروسة المولد

المقادير

- سكر
- ملح ليمون
- خميرة
- قالب خشبي

الطريقة

- ضعي الكمية التي ترغبينها من السكر علي النار مع إضافة ملح الليمون في درجة حرارة مائة وسبعون درجة مئوية.
- أضفى القليل من الخميرة حتى يصير الخليط مع التقليب كالزبد أو الكريمة.
وتستطيعين بعد ذلك صبها في قالب خشبي تطلبينه من النجار علي أن يكون مشقوقا إلي قسمين يضمان إلي بعضهما حتى تتماسك الحلوى ثم يفتحان لإخراج العروسة أو أي شكل تختاريه.
الرجوع الى أعلى الصفحة اذهب الى الأسفل
نونة
عضو نشيط
عضو نشيط


الحمل عدد المساهمات : 22
العمر : 29

مُساهمةموضوع: رد: اعملي حلاوة المولد.. بإيدك ...   السبت مارس 27, 2010 7:55 pm

برافو عليك بس ياريت تعمل الي قولت عليك
ميبقاش زي معظم الرجاله الي بتقول انا معملش حاجة
ف المطبخ او البيت
انا راجل.وياريت تدوقني
الرجوع الى أعلى الصفحة اذهب الى الأسفل
Sun Of Life
عضو ذهبي
avatar

الميزان عدد المساهمات : 83
العمر : 26

مُساهمةموضوع: رد: اعملي حلاوة المولد.. بإيدك ...   السبت أبريل 03, 2010 5:55 pm

هههههههههه ماشى يا نونة

وعلى فكرة مش عيب انه الراجل يساعد مراته فى شغل البيت طالما عنده وقت لكده

وعلى فكرة انا اتحد اى حد فى الطبخ

وشكلك مش بتعرفى تطبخى اصلا


مرسى يا نونة على المرور
الرجوع الى أعلى الصفحة اذهب الى الأسفل
 
اعملي حلاوة المولد.. بإيدك ...
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: الأقسام العامة :: سفرة دايـــمـــة-
انتقل الى: